Indian shooter at Paralympics .ಭಾರತದ ಶೂಟರ್ಗಳಾದ ಅವನಿ ಲೆಖರಾ ಮತ್ತು ಮೋನಾ ಅಗರ್ವಾಲ್ ಅವರು 2024 ರ ಪ್ಯಾರಿಸ್ ಪ್ಯಾರಾಲಿಂಪಿಕ್ಸ್ನಲ್ಲಿ ಪದಕದ ಖಾತೆಯನ್ನು ತೆರೆದಿದ್ದಾರೆ. ಮಹಿಳೆಯರ 10 ಮೀಟರ್ ಏರ್ ರೈಫಲ್ ಸ್ಟ್ಯಾಂಡಿಂಗ್ ಎಸ್ಎಚ್ 1 ಇವೆಂಟ್ನಲ್ಲಿ ಕ್ರಮವಾಗಿ ಚಿನ್ನ ಮತ್ತು ಕಂಚಿನ ಪದಕಗಳನ್ನು ಪಡೆದಿದ್ದಾರೆ. 2020 ರ ಟೋಕಿಯೊ ಪ್ಯಾರಾಲಿಂಪಿಕ್ಸ್ನಲ್ಲಿ ಕೂಡ ಚಿನ್ನದ ಪದಕವನ್ನು ಗೆದ್ದ ಅವನಿ, ತನ್ನ ಪ್ರಶಸ್ತಿಯನ್ನು ಉಳಿಸಿಕೊಳ್ಳುವಲ್ಲಿ ಯಶಸ್ವಿ ಯಾಗಿದ್ದಾರೆ, ಅಂತಿಮ ಅಂಕಪಟ್ಟಿಯಲ್ಲಿ 249.7 ಅಂಕಗಳೊಂದಿಗೆ ಪ್ಯಾರಾಲಿಂಪಿಕ್ ಗೇಮ್ಸ್ ದಾಖಲೆಯನ್ನು ಸ್ಥಾಪಿಸಿದರು. ಕಂಚಿನ ಪದಕವನ್ನು ಖಚಿತಪಡಿಸಿಕೊಂಡ ಭಾರತದ ಪ್ಯಾರಾ-ಶೂಟರ್ ಮೋನಾ ಅಗರ್ವಾಲ್ ಅಂತಿಮ ಅಂಕಪಟ್ಟಿಯಲ್ಲಿ 228.7 ಅಂಕ ಪಡೆದರು.
ರಾಜಸ್ಥಾನದ ಜೈಪುರದಲ್ಲಿ ಜನಿಸಿದ ಅವನಿ ಅಪಘಾತದ ನಂತರ ತನ್ನ ಅಪಘಾತದಿಂದ ಚೇತರಿಸಿಕೊಳ್ಳಲು ಕ್ರೀಡೆಯಲ್ಲಿ ತೊಡಗಿಸಿಕೊಳ್ಳಲು ಅವಳ ತಂದೆ ಪ್ರೋತ್ಸಾಹಿಸಿದರು. ಅಭಿನವ್ ಬಿಂದ್ರಾ ಅವರಿಂದ ಸ್ಫೂರ್ತಿ ಪಡೆದ ನಂತರ ಅವರು ಪ್ಯಾರಾ-ಶೂಟಿಂಗ್ನತ್ತ ಮನಸು ಹರಿಸಿ ಯಶಸ್ಸು ಕೂಡ ಕಂಡರು. ಅವರು 2015 ರಲ್ಲಿ ಕ್ರೀಡೆಯನ್ನು ಪೂರ್ಣ ಸಮಯದ ವೃತ್ತಿಯಾಗಿ ತೆಗೆದುಕೊಂಡರು.
ಮೊನಾ ಅಗರ್ವಾಲ್ ತನ್ನ ಬಾಲ್ಯದಲ್ಲಿ ಪೋಲಿಯೊದಿಂದ ಬಳಲುತ್ತಿದ್ದರೂ ನಂತರ ಅವರು ಗಾಲಿಕುರ್ಚಿ ಬಳಸಿಕೊಂಡು ತಮ್ಮ ದೈನಂದಿನ ಜೀವನ ನಡೆಸುತ್ತಿದ್ದರು. ರಾಜಸ್ಥಾನದ ಸಿಕಾರ್ನಲ್ಲಿ ಜನಿಸಿದ 34 ವರ್ಷದ ಅಗರ್ವಾಲ್, ತನ್ನ ತಾಯಿಯ ಅಜ್ಜಿಯ ಬೆಂಬಲದಿಂದ ಪ್ಯಾರಾ-ಅಥ್ಲೀಟ್ ಆದರು. ಇಂದು ಇಬ್ಬರು ಕೂಡ ದೇಶ ಹೆಮ್ಮೆ ಪಡುವ ಸಾಧನೆ ಮಾಡಿದ್ದಾರೆ. ಈ ಅಷ್ಟು ಸಾಧನೆ ಮಾಡಲು ದೇವರು ಶಕ್ತಿ ಕೊಡಲಿ ಎಂದು ಆಶಿಸೋಣ.
