ಬಯೋಮೆಟ್ರಿಕ್ (UPI) ಪೇಮೆಂಟ್: ಇನ್ನು ಮುಂದೆ OTP ಗೆ ವಿದಾಯ!
ಪ್ರತಿ ಬಾರಿ ಆನ್‌ಲೈನ್ ಪೇಮೆಂಟ್ ಮಾಡುವಾಗ OTP ಬರುತ್ತದೆ, ಟೈಪ್ ಮಾಡಬೇಕು… ಈ ತೊಂದರೆಗೂ ಇನ್ನು ವಿದಾಯ ಹೇಳಬಹುದಾಗಿದೆ! ಫೆಡರಲ್ ಬ್ಯಾಂಕ್ ಭಾರತದಲ್ಲಿ ಮೊದಲ ಬಾರಿ ಹೊಸದಾಗಿ ಪರಿಚಯಿಸಿರುವ ಈ ಸೇವೆಯ ಮೂಲಕ, ಗ್ರಾಹಕರು ತಮ್ಮ ಮುಖದ ಗುರುತು ಅಥವಾ ಬೆರಳಚ್ಚನ್ನು ಬಳಸಿ ಇ-ಕಾಮರ್ಸ್ ಪೇಮೆಂಟ್ ಮಾಡಬಹುದು — OTP ಬೇಕಾಗುವುದಿಲ್ಲ.
ಈ ವ್ಯವಸ್ಥೆಯಿಂದ ಪಾವತಿಗಳು ತ್ವರಿತವಾಗುತ್ತವೆ ಮಾತ್ರವಲ್ಲ, ಇನ್ನಷ್ಟು ಭದ್ರತೆ ಮತ್ತು ಸುಗಮ ಅನುಭವವನ್ನೂ ಒದಗಿಸುತ್ತದೆ.
ನಮ್ಮ ಚಾನೆಲ್ ಗೆ ಇಂದೇ ಸೇರಿ- ಸೇರಲು ಇಲ್ಲಿ ಕ್ಲಿಕ್ ಮಾಡಿ
ಇದು ಹೇಗೆ ಕಾರ್ಯನಿರ್ವಹಿಸುತ್ತದೆ?
- ನೀವು ಮೊತ್ತ ಮೊದಲ ಬಾರಿಗೆ (UPI) ಪಾವತಿ ಮಾಡುವಾಗ, OTP ಇಲ್ಲದೆ ಪಾವತಿ ಮಾಡಲು ಬಯಸುವಿರಾ ಎಂದು ಕೇಳಲಾಗುತ್ತದೆ.
- ಒಪ್ಪಿಗೆ ನೀಡಿದ ನಂತರ, ನಿಮ್ಮ ಬೆರಳಚ್ಚು ಅಥವಾ ಮುಖದ ಗುರುತಿನ ಮೂಲಕ ದೃಢೀಕರಣ ನಡೆಯುತ್ತದೆ.
- ಸ್ಮಾರ್ಟ್‌ಫೋನ್‌ನಲ್ಲಿ ಪಾಪ್‌ಅಪ್ ಬರುತ್ತದೆ—ಒಂದು ಟಚ್ ಅಥವಾ ಒಂದು ನೋಟ,Verification ಮುಗಿದು ಪಾವತಿ ಕೇವಲ 2 ಕ್ಲಿಕ್ಕಿನಲ್ಲಿ ಪೂರ್ಣಗೊಳ್ಳುತ್ತದೆ.
ಯಾವುದೇ ಕಾರಣಕ್ಕೆ ಬಯೋಮೆಟ್ರಿಕ್ ದೃಢೀಕರಣ ವಿಫಲವಾದರೆ, OTP ಮೂಲಕ ಪಾವತಿ ಮಾಡುವ ಆಯ್ಕೆಯೂ ಇರುತ್ತದೆ.
ಯಾವ ಅಪ್ಲಿಕೇಶನ್‌ಗಳಲ್ಲಿ ಲಭ್ಯವಿದೆ?
ಈ ವೈಶಿಷ್ಟ್ಯತೆ ಈಗಾಗಲೇ ಕೆಳಗಿನ ಅಪ್‌ಗಳಲ್ಲಿ ಲಭ್ಯವಿದೆ:
- Paytm
- PhonePe
- Google Pay
ಸಂಪೂರ್ಣ ಅನುಕೂಲಕ್ಕಾಗಿ, ನಿಮ್ಮ ಡಿವೈಸ್‌ಗಳು ಈ ತಂತ್ರಜ್ಞಾನಕ್ಕೆ ತಕ್ಕಂತೆ ಇರಬೇಕು:
- Android 5.0 ಅಥವಾ ಹೆಚ್ಚಿನ ಆವೃತ್ತಿ
- iOS 13.0 ಅಥವಾ ಹೆಚ್ಚು
ಇದು ಇತರ ವ್ಯಾಪಾರಿಗಳ ಅಪ್ಲಿಕೇಶನ್‌ಗಳಲ್ಲಿಯೂ ಶೀಘ್ರದಲ್ಲಿ ಲಭ್ಯವಾಗಲಿದೆ.
Read this also: Post Office Rule: ನಿಮ್ಮ ಪೋಸ್ಟ್ ಆಫೀಸ್ ಖಾತೆ ನಿಷ್ಕ್ರಿಯ ಗೊಳ್ಳುವ ಸಂಭವ ಇದೆ. ಮ್ಯಾಚ್ಯೂರಿಟಿ ಆದ ನಂತರ ಈ ಕೆಲಸ ಮಾಡುವುದನ್ನು ಮರೆಯಬೇಡಿ.
ಭದ್ರತೆ ಮತ್ತು RBI ನಿಯಮಗಳಿಗೆ ಅನುಗುಣವಾಗಿದೆ
ಇದು ಸಂಪೂರ್ಣವಾಗಿ ಭಾರತೀಯ ರಿಸರ್ವ್ ಬ್ಯಾಂಕ್ (RBI) ನ ಇಬ್ಬರ ದೃಢೀಕರಣ ನಿಯಮಗಳಂತೆ ಕಾರ್ಯನಿರ್ವಹಿಸುತ್ತದೆ.
- ಮೊಬೈಲ್ = ಮೊದಲ ದೃಢೀಕರಣ ಅಂಶ
- ಬೆರಳಚ್ಚು ಅಥವಾ ಮುಖದ ಗುರುತು = ಎರಡನೇ ದೃಢೀಕರಣ ಅಂಶ
ಇವು ನಕಲಿ ಮಾಡುವುದು ಬಹಳ ಕಷ್ಟವಾಗಿರುವ ತಂತ್ರಜ್ಞಾನಗಳು ಆದ್ದರಿಂದ, ಸಿಮ್ ಕ್ಲೋನಿಂಗ್, OTP ಹ್ಯಾಕ್, ಮತ್ತು ಕಾರ್ಡ್ ಫ್ರಾಡ್ ಹೀಗಾದ ಸಮಸ್ಯೆಗಳನ್ನು ತಡೆಯಲು ಸಹಕಾರಿಯಾಗುತ್ತದೆ.
ವ್ಯಾಪಾರಿಗಳಿಗೆ: ಸುಲಭವಾದ ಎಸ್ಡಿಕೆ (SDK)
ವ್ಯಾಪಾರಿಗಳು ತಮ್ಮ ಅಪ್ಲಿಕೇಶನ್‌ಗಳಲ್ಲಿ ಬಯೋಮೆಟ್ರಿಕ್ UPI ಪೇಮೆಂಟ್ ಸೌಲಭ್ಯವನ್ನು ಸೇರಿಸಲು ಫೆಡರಲ್ ಬ್ಯಾಂಕ್ ಸುಲಭವಾಗಿ ಬಳಸಬಹುದಾದ SDK ಅನ್ನು ಒದಗಿಸುತ್ತಿದೆ. ಇದರಿಂದ ಗ್ರಾಹಕರಿಗೆ ವೇಗವಾದ, ಭದ್ರ ಹಾಗೂ ಸುಲಭ ಪಾವತಿ ಅನುಭವ ದೊರೆಯುತ್ತದೆ.